ربنا موجود"
كلمة كلنا بنرددها دايما بس هل فعلا من جوانا واثقين انه موجود؟
اكيد طبعا ربنا موجود ودايما عينه علينا وماسك ايدينا
بس كتير بمفهومنا احنا بنحس انه مش موجود
وكتير بنقوله :
يا ربي انت روحت فين ؟
انت ليه واقف بعيد؟
ليه مش سامعني؟
ولا يا ربي سامعني ومش عاوز ترد عليا ؟
كتير قوي لما بنقع في مشكلة او نطلب حاجة من ربنا ونلاقيه اتاخر علينا في الرد
بنفتكر انه مش موجود او مش سامعنا
وده لان احنا عندنا قصر نظر مش بنبص غير تحت رجلنا
عاوزين دايما اي حاجة نطلبها تحقق في نفس اللحظة ولو متحققتش يبقي
ربنا مش موجود ومش سامعنا
او احيانا كتير ربنا بيرد علينا بس للاسف احنا اللي بنكون واقفين بعيد عنه ومش بنسمع صوته
واحيانا بتكون استجابة ربنا في عدم استجابته
لانه بيشوف ابعد مننا وعارف اذا كان طلبنا ده في صالحنا ولا لا
وعلي اساس كده بيستجيب
او ممكن ربنا يأخر الاستجابة دي عشان عاوز يدينا حاجة احسن من اللي احنا بنطلبها
لكن فعلا "ربنا موجود "
وصدقوني بيلبي كل طلباتنا بس لما بيكون شايف انها في صالحنا
بس احنا مشكلتنا اننا مش متخيلين عظمة الهنا
تفتكروا
الهنا اللي يعرف عدد شعور رؤسنا
ممكن في يوم ينسانا او ميسمعناش ؟
طبعا مش ممكن
ولو كل واحد فينا جه اخر اليوم واسترجع كل اللي حصل معاه
هيلاقي بجد ان ربنا وقف معاه في حاجات كتير طول اليوم من غير حتي ما يطلب منه
ويوسف الصديق بجد اروع مثل نتعلم منه ازاي نسلم امور حياتنا لربنا
فالبرغم من كل اللي مر بيه من ضيقات ومشاكل
عمره ما قال لربنا
يا رب انت فين سايبني ليه؟
لانه كان واثق ان ربنا ماشي معاه خطوة بخطوة وكان بيجهزه بالضيقات دي
عشان يديله مكانه احسن بكتير
وهي انه يكون فرعون مصر
وصدقوني ربنا شايل لكل واحد فينا مكانة جميلة
لو مكنتش علي الارض اكيد هتكون معاه في الابدية
بس المهم احنا نثق في وعوده ونسلمله سفينة حياتنا يديرها حسب مشيئته
لأن فعلا
"ربنا موجود"